Kusum Healthcare

Препаратни қўллашни бошлаш олдидан ушбу илова-варақани диққат билан ўқиб чиқинг!
Ушбу илова-варақани сақлаб қўйинг. Сизга уни қайта ўқиб чиқиш керак бўлиши мумкин.
Агарда Сизда қўшимча саволлар пайдо бўлса, илтимос, шифокор билан маслаҳатлашинг.
Ушбу препарат шахсан Сизга мўлжалланган, ва уни бошқаларга бериш мумкин эмас. Бу уларнинг соғлиғига зарар етказиши мумкин, хаттоки агарда уларнинг касалликларини белгилари Сизда кузатилаётганига ўхшаса ҳам.

Дори воситасининг таркиби:
таъсир қилувчи модда: флуконазол;
1 таблетка 50 мг ёки 100 мг, 150 мг ёки 200 мг флуконазол сақлайди;
ёрдамчи моддалар: лактоза, микрокристаллик целлюлоза, повидон К30, тальк, магний стеарати, натрий кроскармелоза, аэросил, натрий сахарин.

Дори шакли: Таблеткалар.

Фармакотерапевтик гуруҳи. Тизимли қўллаш учун замбуруғларга қарши восита.
Фармакологик ўзига хослиги. Триазол бирикмалари синфи замбуруғларга қарши воситаси. Флуконазол яққол замбуруғларга қарши таъсирга эга, замбуруғларнинг стероллари синтезини специфик блоклайди. Цитохром Р450 га боғлиқ бўлган замбуруғ ферментларига специфик таъсир кўрсатади.

Кўрсатилиши. Кандидалар чақирган инфекциялар, шу жумладан ёйилган кандидоз, кандидемия, диссеминирланган кандидоз ва инвазив кандидоз инфекцияларининг бошқа шаклларини ҳам қўшиб (инфекциялар: ёйилган, эндокартни, кўзлар, нафас ва сийдик йўлларини); шиллиқ қаватларининг кандидози, шу жумладан оғиз бўшлиғи ва томоқнинг, қизилўнгачнинг; ноинвазив бронхўпка инфекциялари; кандидурия; тери-шиллиқ ва оғиз бўшлиғи шиллиқ қаватининг сурункали атрофик кандидози (тиш протезларини тақиш билан боғлиқ бўлган); генитал кандидоз – вагинал кандидоз (ўткир ёки қайталанувчи), вагинал кандидоз қайталанишларини олдини олиш (йилига 3 марта ва кўпроқ пайдо бўлиши тез-тезлигида), ҳамда кандидоз баланит.
Флуконазол криптококк менингити ва криптококк инфекциясининг бошқа жойлашишида; дерматомикозларда, оёқлар, тана, чов соҳаси микозларини ҳам қўшиб; темираткида; онихомикозда; чуқур эндемик микозларда, кокцидиоидомикоз, паракокцидиоидамикоз, споротрихоз ва гистоплазмозни ҳам қўшиб; ҳамда цитостатик ёки нур терапиясини олаётган пациентларда, СПИД беморларида замбуруғ инфекцияларини олдини олиш учун қўлланади.

Қўллаш мумкин бўлмаган ҳолатлар. Флуконазолга ёки кимёвий тузилиши бўйича унга яқин бўлган азол бирикмаларга бўлган юқори сезувчанлик; 400 мг/сут ёки каттароқ дозада Флуконазол даволанишини олаётган беморларда терфенадинни бир вақтда қўллаш; жигар етишмовчилиги; ҳомиладорлик; лактация; 7 ёшгача бўлган болалар.

Қўллашдаги эҳтиёткорлик.
Даволашни бошлашдан олдин шифокор билан маслаҳатлашинг!
Флуконазол билан даволаниш вақтида жигар фаолиятининг кўрсатгичлари бузилган беморлар, шифокор кузатуви остида бўлишлари керак. Жигарнинг шикастланишини клиник белгилари пайдо бўлиши билан флуконазолни бекор қилиш керак.
СПИД ли беморлар кўпчилик препаратларни ишлатганларида оғир тери реакциялари ривожланишига мойилроқ бўладилар. Юза замбуруғ инфекциясини муносабати билан даволаш олаётган беморда тошма пайдо бўлганида, бу флуконазолни қўллаш билан боғлиқ бўлиши мумкин, препаратни бекор қилиш керак. Инвазив тизимли замбуруғ инфекциялари бўлган беморларда тошмалар пайдо бўлганида, албатта ҳолатни кузатиш ва полиморф эритема пайдо бўлганида флуконазолни бекор қилиш керак.
Ҳомиладорларни даволаш учун флуконазолни буюришдан сақланиш керак, аёл учун кутилаётган фойда ҳомила учун потенциал хавфдан устун бўлган, оғир ва ҳаёт учун потенциал хавфли замбуруғ инфекцияларидан ташқари, Флуконазол кўкрак сутида қондаги бўлган концентрацияларида аниқланади, шунинг учун уни лактация даврида қўллаш тавсия қилинмайди.

Бошқа дори воситалари билан ўзаро таъсири. Варфарин ва флуконазолни бир вақтда қўллаш протромбин вақтини оширади; флконазол ва сульфонилмочевина ҳосилалари гуруҳи перорал гипогликемик препаратлар (хлорпропамид, глибенкламид, глипизид ва толбутамид) – уларнинг яримчиқарилиш даврини узайтиради (гипогликемия ривожланиши мумкинлигини ҳисобга олиш керак).
Фуцис ва фенитоин бир вақтда қабул қилинганида, фенитоиннинг концентрацияси клиник аҳамиятли ошади (концентрацияни мониторинги ва дозани танлаш керак). Гидрохлортиазидни кўп марта қўллаш қон плазмасида флуконазол концентрациясини оширади, бироқ флуконазолни дозалаш тартибини, одатда, ўзгартириш керак эмас.
Флуконазолни 50-200 мг дозаларда оғиз орқали қўллаш учун, мажмуавий ҳомиладорликка қарши воситаларнинг самарадорлигига таъсир қилмайди.
Флуконазол ва рифампицинни бир вақтда ишлатиш AUC ни 25% га («концентрация/вақт» боғлиқлигини аниқловчи фармакологик эгри чизиқ остидаги майдон) ва флуконазолнинг яримчиқарилиш даврининг давомийлигини 20% га пасайишига олиб келган. Кўрсатилган препаратлар мажмуасини ишлатаётган беморлар, флуконазолнинг дозасини оширишни мақсадга мувофиқлигини ҳисобга олишлари керак.
Флуконазол қўллаш вақтида қонда циклоспорин концентрациясини назорат қилиш тавсия этилади.
Флуконазол ва зидовудин комбинацияси буюрилганида, зидовудинни ножўя реакцияларини эрта аниқлаш мақсадида беморларнинг ҳолатини кузатиш керак, уларда бундай ҳолда AUC («концентрация/вақт» боғлиқлигини аниқловчи фармакологик эгри чизиқ остидаги майдон) анча ошади.
Ципразид, астемизол, рифабутин, такролимус ва бошқа цитохром Р450 тизими билан метаболизмга учрайдиган дори воситаларини қабул қилаётган беморларда бир вақтда флуконазолни қўллаш, қонда препаратларни концентрацияларини ошиши билан кечиши мумкин.
Бир вақтда циметидин ёки антацидларни қабул қилиш флуконазолнинг сўрилишига клиник аҳамиятли таъсир қилмайди.

Махсус кўрсатмалар. Бу препаратни буюрган шифокорни, даволашни кечишини кузатиши жуда муҳим. Уни қабулига у белгилаган муддатда келишини унутманг.

Қўллаш усули ва дозалари. Ичга қабул қилиш учун таблеткалар. Замбуруғ инфекциясини характери ва кечишига қараб, суткалик доза 50 мг дан 400 мг гачани ташкил қилиши мумкин. Даволашнинг давомийлиги клиник ва микологик самараларга боғлиқ бўлади. Флуконазол ҳар куни суткада 1 марта қабул қилинади.
Кандидемияда, диссеминирланган кандидозда ва бошқа инвазив кандидоз инфекцияларида доза, одатда 400 мг 1 сутка давомидани ташкил қилади, кейин эса суткада 200 мг дан. Клиник самарасининг намоён бўлишига қараб, даволашни давом эттириш ва дозани суткада 400 мг гача ошириш мумкин.
Орофаренгиал кандидозда катталарга, одатда 50-100 мг флуконазол суткада 1 марта 7-14 кун давомида буюрилади. Иммунитети яққол сусайган беморларда зарурати бўлганида, даволашни узоқроқ вақтга узайтириш мумкин. Тиш протезларини тақиш билан боғлиқ бўлган оғиз бўшлиғи шиллиқ қаватининг атрофик кандидозида, препарат одатда 50 мг дозада, суткада 1 марта 14 кун давомида, протезга ишлов бериш учун маҳаллий антисептиклар билан бирга буюрилади. Шиллиқ қаватларининг бошқа кандидоз инфекцияларида (генитал кандидоздан ташқари, масалан; эзофагит, ноинвазив бронўпка инфекциялари, кандидуриялар, тери ва шиллиқ қаватларнинг кандидози ва бошқалар), самарали доза одатда 50-100 мг/сут 14-30 кунлик даволаш давомийлигида ташкил қилади. СПИД беморларида орофарингеал кандидознинг қайталанишларини олдини олиш учун, бирламчи даволаш якунланганидан сўнг, флуконазол 150 мг дозада ҳафтада 1 марта буюрилади. Шиллиқ қаватларининг кандидозида флуконазолни болалар учун тавсия этиладиган дозаси суткада 3 мг/кг. Турғун бир текис концентрацияга тез эришиш учун 1-нчи куни 6 мг/кг зарб дозани буюриш мумкин,. Вагинал кандидозда флуконазол бир марта 150 мг ичга қабул қилинади.
Касалликнинг қайталанишлари тез-тезлигини пасайтириш учун препарат 150 мг дозада, ойда 1 марта қабул қилинади. Даволашнинг давомийлиги шахсий белгиланади; у 4 дан 12 ойгача давом этиши мумкин. Айрим ҳолларда қабул қилиш тез-тезлиги оширилади. Candida чақирган баланитда, флуконазол ичга бир марта 150 мг дозада буюрилади.
Кандидозни олдини олиш учун тавсия этиладиган доза замбуруғ инфекциясининг ривожланиши хавфининг даражасига қараб 50-400 мг суткада 1 мартани ташкил қилади. Ёйилган инфекциянинг хавфи юқори бўлганида, масалан, кўзда тутилган яққол ёки давомий нейтропенияси бўлган беморларда, тавсия этилган доза 400 мг суткада 1 марта. Кўзда тутилган нейропения пайдо бўлишидан бир неча кун олдин флуконазол буюрилади; нейтрофил гранулоцитларни миқдори 1000 1 мм3 дан ошганидан кейин даволаш яна 7 кун давомида давом эттирилади.
Криптококкли менингитда ва бошқа жойда жойлашган криптококк инфекцияларида 1-нчи куни одатда 400 мг буюрилади, кейин эса даволаш суткада 1 марта 200-400 мг дозада давом эттирилади. Криптококк инфекцияларини даволашнинг давомийлиги клиник ва микологик самарага эришишга боғлиқ бўлади; криптококкли менингитда, одатда у 6-8 ҳафтадан кам бўлмаган вақт давом этади. СПИД беморларида криптококкли менингитни олдини олиш учун (бирламчи даволаш курси тамом бўлганидан сўнг) >200 мг/сут доза флуконазол билан даволашни узоқ вақт давомида давом эттириш мумкин. Тери инфекцияларида, оёқларнинг микозлари, силлиқ тери, чов соҳасини ҳам қўшиб, ва кандидоз инфекцияларида тавсия қилинган доза 150 мг ҳафтада 1 марта ёки 50 мг суткада 1 мартани ташкил қилади. Даволашнинг давомийлиги одатда 2-4 ҳафта, бироқ оёқларнинг микозида давомийроқ даволаш талаб қилиниши мумкин (6 ҳафтагача). Темираткида тавсия қилинган доза 300 мг ҳафтада 1 марта, 2 ҳафта давомидани ташкил қилади; айрим беморлар флуконазолни учинчи дозасини – 300 мг қабул қилиш эҳтиёжи бўлади, шу билан бир вақтда алоҳида ҳолларда 300-400 мг препаратни бир марта қабул қилиш етарли бўлади. Даволашнинг муқобил тартиби бу препаратни 50 мг дан суткада 1 марта 2-4 ҳафта давомида қабул қилишдир. Онихомикозда (tinea unguium) тавсия этиладиган доза – 150 мг ҳафтада 1 марта. Даволашни шикастланган тирноқ соғломига тўлиқ алмашгунича давом эттириш керак. Қўл ва оёқ бармоқларининг тирноқлари тўлиқ ўсиши учун одатда мос равишда 3-6 ва 6-12 ой керак, бироқ тирноқларнинг ўсиши турли одамларда кенг чегараларда фарқланиши мумкин, ҳамда ёшга ҳам боғлиқ бўлади. Муваффақиятли даволагандан кейин сурункали инфекциялар даволашга оғир берилади, баъзида тирноқлар шаклини ўзгариши кузатилади.
Чуқур эндемик микозда препартни узоқ вақт (2 йилгача) 200-400 мг/сут дозада қўллаш керак бўлиши мумкин. Даволашнинг давомийлиги шахсий белгиланади; одатда у канцидиоидомикозда 11-24 ойни, паракокцидиоидомикозда – 2-17 ойни, споротрихозда – 1-16 ойни ва гистоплазмозда – 3-17 ойни ташкил қилади.
Кекса одамларни даволашда буйрак етишмовчилигининг белгилари йўқлигида, препарат одатдаги дозада ишлатилади. Буйрак етишмовчилиги бўлган беморларда (креатинин клиренси 11-50 мл/мин) бошланғич зарб доза 50-400 мг, флуконазолнинг суткалик дозаси кейинги юборишлар учун 2 марта пасайтирилади. Доимо диализда бўлган беморларга флуконазол ҳар диализдан кейин юборилади.
7 ёшдан ошган болаларга флуконазол шифокор тавсияси бўйича буюрилади.
Болалар учун суткалик доза катталарнинг дозасидан ошмаслиги керак.
Ёйилган кандидоз ва криптококк инфекциясини даволаш учун флуконазолнинг дозаси болалар учун касалликнинг ҳолатига қараб, 6-12 мг/кг суткани ташкил қилади.
Криптококк инфекциясини даволаш учун флуконазолнинг дозаси болалар учун касалликнинг ҳолатига қараб 6-12 мг/кг суткани ташкил қилади.

Ножўя таъсирлари. Фуцис одатда яхши ўзлаштирилади.
Бироқ ножўя таъсирларидан кўпроқ пайдо бўлиши мумкин бош оғриғи, қорин оғриғи, диарея, метеоризм, кўнгил айнаши, қусиш, жигарнинг заҳарли шикастланиши (лаборатория кўрсатгичларини ўзгариши – ишқорий фосфотаза, билирубин, аминотрансферазалар даражасини ошиши) ва гепатитни ривожланиши.
Шунингдек кузатилиши мумкин бош айланиши, тиришишлар; алопеция, эксфолиатив тери реакциялари; қондаги лейкоцитлар (нейтропения, агранулоцитоз), тромбоцитлар миқдорини ўзгариши; аллергик реакциялар (тери тошмалари, қичишиш, юзни шиши, анафилаксия); қонда холестерин, триглицеридлар, калий даражасини ошиши; таъм билиш туйғусини ўзгариши.
Қандай бўлмасин одатдаги бўлмаган реакциялар пайдо бўлган ҳолда, препаратни кейинчалик қўллаш бўйича албатта шифокор билан маслаҳатлашинг!

Яроқлилик муддати. Препаратнинг яроқлилик муддати 3 йилни ташкил қилади.
Ўрамида кўрсатилган яроқлилик муддати ўтганидан сўнг препарат қўлланилмасин.

Сақлаш шароити. Болалар олаолмайдиган, қуруқ, қоронғи, жойда, 15-250С ҳароратда, сақлансин.

Ўрами. Таблеткалар 50 мг дан №4 блистерда, картон ўрамда.
Таблеткалар 100 мг дан №4 блистерда, картон қутида.
Таблеткалар 150 мг дан №1 блистерда, картон қутида.
Таблеткалар 200 мг дан №4 блистерда, картон қутида.

Бериш тартиби. Рецепт бўйича.

Ишлаб чиқарувчининг номи ва манзили:
KUSUM HEALTHCARE PVT.LTD.
SP-289(A), RIICO INDL.AREA, CHOPANKI,
BHIWADI (RAJ.) INDIA