ЎзР ССВ Фармакология қўмитаси
томонидан «МАЪҚУЛЛАНГАН»
Протокол №17 5 октябрь 2009 йил
№7808
ОРГИЛ
(ORGYL)
препаратини тиббиётда қўллаш буйича ЙЎРИҚНОМА
Умумий характеристикаси: Чиқарилиш шакли. Қобиқ билан қопланган таблеткалар. Фармакотерапевтик гуруҳи. Тизимли қўллаш учун микробларга қарши воситалар. Нитроимидазол қосилалари. АТС коди G01A. |
 |
Фармакологик хусусиятлари
Фармакодинамикаси. Оргил Trichomonas vaginalis, Entamoeba histolytica, Giardia lamblia (Giardia intestinalis) га, ҳамда Gardnerella vaginalis, Bacteroides ва Clostridium spp., Fusobacterium каби айрим анаэроб бактериялар ва анаэроб коккларга нисбатан самарали.
Фармакокинетикаси.
Сўрилиши. Оғиз орқали қабул қилгандан сўнг орнидазол тез сўрилади. Сўрилиш ўртача 90% ни ташкил этади. Плазмадаги максимал концентрацияларига 3 соат давомида эришилади.
Тақсимланиши. Орнидазолнинг оқсиллар билан боғланиши тахминан 13%. Оргилнинг фаол моддаси орқа мия суюқлигига, организмнинг бошқа суюқликларига ва тўқималарга яхши ўтади. Орнидазолнинг плазмадаги концентрацияси препаратни қўлланиши бўйича турли кўрсатмалар учун оптимал диапазонда бўлади (6-36 мг/л). Соғлом кўнгиллилар томонидан ҳар 12 соатда 500 мг ёки 1000 мг дозада кўп марта қабул қилинганидан кейин кумуляция коэффициенти 1,5-2,5 ни ташкил этади.
Метаболизми. Орнидазол жигарда асосан 2-гидроксиметил ва а - гидроксиметил метаболитларини ҳосил бўлиши билан метаболизмга учрайди. Иккала метаболитининг ҳам ўзгармаган орнидазолга қараганда Trichomonas vaginalis ва анаэроб бактерияларга нисбатан фаоллиги камроқ.
Чиқарилиши. Яримчиқарилиш даври тахминан 13 соат. Бир марта қабул қилингандан сўнг, орнидазол дозасининг 85% биринчи 5 кунлар давомида, асосан метаболитлар кўринишида чиқарилади. Қабул қилинган дозанинг тахминан 4% ўзгармаган ҳолда буйраклар орқали чиқарилади.
Қўлланилиши. Трихомониаз (Trichomonas vaginalis чақирган аёллар ва эркакларнинг сийдик чиқариш йўлларидаги инфекциялар); амёбиаз (Entamoeba histolytica чақирган барча ичак инфекциялари, шу жумладан амёб дизентерия, амёбиазнинг барча ичақдан ташқари шакллари, айниқса, жигарнинг амёб абсцесси); лямблиоз, чамбар ичак ва гинекологиядаги оператив аралашувлардаги анаэроб бактериялар чақирган инфекцияларни олдини олиш.
Қўллаш усули ва дозалари.
Оргил таблеткалари доимо овқатдан сўнг қабул қилинади.
Трихомониаз. 1 таблеткада суткада 2 марта (эрталаб ва кечқурун) 5 кун давомида. Такрорий юқишига йўл қўймаслик учун, барча ҳолатларда жинсий шерик худди шу даволаш курсини олиши керак. Тана вазни 20 кг дан ортиқ 5 ёшдан ошган болалар учун суткалик доза тана вазнининг қар кг га 250 мг ни ташкил этади (лекин суткада 1 г дан кўп эмас) ва бир қабулга буюрилади.
Амебиаз. Мумкин бўлган даволаш схемаси: амеб дизентерияси бўлган беморларни уч кунлик даволаш курси ва амёбиазнинг барча кўринишларида 5-10 кунлик даволаш курси.
Даволаш давомийлиги |
Суткалик доза |
|
|
Тана вазни 35 кг дан ортиқ бўлган катталар ва болалар |
Тана вазни 35 кг гача бўлган болалар |
а)амеб дизентерия 3 кун |
тана вазни 60 кг дан ортиқ бўлса, бир қабулга 3 таблетка кечқурун: |
35 кг - бир қабулга 3 таблетка 25 кг - бир қабулга 2 таблетка 15 кг - бир қабулга 1 таблетка (бир қабулга тана вазнининг ҳар кг га 40 мг дан ҳисобланади) |
б)амёбиазнинг бошқа шакллари 5-10 кун |
2 таблетка (1 таблеткадан эрталаб ва кечқурун) |
35 кг - бир қабулга 2 таблетка 25 кг - бир қабулга 1 таблетка 15 кг - бир қабулга 1/2 таблетка (бир қабулга тана вазнининг ҳар кг га 25 мг дан ҳисобланади) |
Лямблиоз. Катталар ва тана вазни 35 кг дан ортиқ бўлган болаларга бир марта кечқурун 3 таблетка буюрилади, тана вазни 35 кг дан кам бўлган болаларга - тана вазнининг ҳар кг га суткада 40 мг доза бир марта қабул учун буюрилади. Даволаш давомийлиги 1-2 кунни ташкил этади.
Анаэроб бактериялар чақирган инфекцияларни олдини олиш: Операциядан олдин препаратнинг 1-2 таблеткаси буюрилади, операциядан кейин - 3-5 кун давомида 1 таблеткадан суткада 2 марта.
Ножўя таъсири. Кучсиз намоён бўладиган уйқучанлик, бош оғриғи ва меъда-ичак бузилишлари (кўнгил айнаши). Алоҳида ҳолларда - марказий нерв тизими томонидан бош айланиши, қалтираш, координацияни бузилиши, тиришишлар, чарчоқлик, хушни вақтинчалик йўқотиш, сенсор ёки аралаш периферик нейропатия белгилари каби бузилишлар. Таъм сезишни бузилиши, жигар функционал синамаларининг ўзгариши, тери реакциялари ва ўта юқори сезувчанлик реакциялари каби ҳолатлар кузатилган.
Қўллаш мумкин бўлмаган ҳолатлар.
Препаратнинг компонентларига ўта юқори сезувчанлик.
Оргилни марказий нерв тизимининг касалликлари, тутқаноғи бўлган беморларда, ҳомиладорлик ва лактация даврида қўллаш мумкин эмас.
Дозани ошириб юборилиши.
Симптомлари: тиришишлар, депрессия, периферик неврит.
Даволаш: симптоматик, специфик антидоти номаълум.
Қўллашнинг ўзига хослиги.
Трихомониазни даволашда иккала шерикни ҳам бир вақтда даволаш лозим.
Ҳомиладорлик ва лактация
Ҳомиладорларда назоратли тадқиқотлар ўтказилмаган, шунинг чун ҳомиладорлик вақтида препаратни она учун кутилаётган фойда, ҳомила учун потенциал хавфдан устун бўлган ҳолдагина буюриш мумкин. Препарат билан даволаниш вақтида эмизишни тўхтатиш лозим.
Автомобиль бошқариш ва техник мосламаларни ишлатиш қобилиятига таъсири.
Оргил транспорт воситаларини бошқариш ва мураккаб механизмларга хизмат кўрсатиш қобилиятига таъсир этмайди, лекин нерв тизими томонидан ножўя таъсирлар пайдо бўлган ҳолда бундай фаолиятдан сақланиш керак.
Бошқа дори воситалари билан ўзаротаъсири. Орнидазол кумарин қатори перорал антикоагулянтларнинг таъсирини потенциялайди, бу уларнинг дозасини мос равишда тўғрилашни талаб этади. Орнидазол векуроний бромидининг мушакларни бўшаштирувчи таъсирини узайтиради.
Сақлаш шароитлари ва муддати. Болалар олаолмайдиган, ёруғликдан ҳимояланган жойда, 15-25°С ҳароратда сақлансин. Сақлаш муддати - 3 йил.
Бериш тартиби. Рецепт буйича.
Ўрами. 10 та таблеткадан блистерда ва картон ўрамда.
Ишлаб чиқарувчи:
КУСУМ ХЕЛТХКЕР ПВТ ЛТД
Манзил.
SP-289(A),RIICO INDL.AREA,CHOPANKI,
BHIWADI (RAJ.) INDIA.