Kusum Healthcare

Препарат қўллашни бошлаш олдидан ушбу илова-варақани диққат билан ўқиб чиқинг!
Ушбу илова-варақани сақлаб қўйинг. Сизга уни қайта ўқиб чиқиш керак бўлиши мумкин.
Агарда Сизда қўшимча саволлар пайдо бўлса, илтимос шифокор билан маслаҳатлашинг.
Ушбу препарат шахсан Сизга мўлжалланган ва уни бошқаларга бериш керак эмас. Бу уларни соғлиғига зарар етказиши мумкин, хаттоки агарда уларни касалликларини белгилари Сизда кузатилаётганига ўхшаса хам.

Дори препаратининг таркиби:
таъсир қилувчи модда: офлоксацин, орнидазол; 1 таблетка 200 мг офлоксацин ва 500 мг орнидазол сақлайди.
ёрдамчи моддалар: микрокристаллик целлюлоза, натрий крахмал гликоляти, повидон К-30, магний стеарати, опадрай оловранг бўёғи.
Дори шакли: Қобиқ билан қопланган таблеткалар.
Фармакотерапевтик гуруҳи. Мажмуавий антибактериал препарат.
Фармакологик хусусиятлари. Офлоксацин фторхинолонлар гуруҳига мансуб. Кенг таъсир доирасига эга. Офлоксациннинг бактерицид таъсири, бошқа фторхинолонлар каби бактерияларнинг ДНК-гираза (микроорганизмлар уларсиз яшай олмайди) ферментини блоклаб қўйиш қобилияти билан боғлик. Офлоксацин пенициллин, аминогликозидлар, цефалоспоринларга чидамли микроорганизмларга нисбатан кенг таъсир доирасига эга. Препаратга вируслар ва замбуруғлар сезгир эмас. Орнидазол протозой ва аралаш инфекцияларни даволашда юқори самарадорликка эга.
Қўлланилиши.
Полимик препаратининг компонентларига сезгир қўзғатувчилар (микроорганизмлар ва соддалар) томонидан чақирилган аралаш инфекциялари даволаш учун қўлланади:
-сийдик, жинсий аъзолар тизимининг касалликлари:   ўткир ва сурункали пиелонефрит, простатит, цистит, эпидидимит, жарроҳлик инфекциялари, сийдик-жинсий йўлларининг   асоратланган ва қайталанадиган инфекциялари, гинекологик касалликлар;
-пенициллинга чидамли гонококклар, хламидиялар, трихомонадалар ва бошқа микроорганизмлар томонидан чақирилган,    жинсиййўли орқали ўтадиган касалликлар;
-қорин бўшлиғи аъзолари ва ўт-сафро йўлларининг инфекциялари, шунингдек амёбиаз -   амёба дизентерияси,   ичакдан ташқари шакллари, айниқса жигарнинг амёбали абсцесси, лямблиоз ва қорин тифи, салмонеллез, ишигеллез каби бошқа инфекцион касалликлар;
-оғиз бўшлиғининг инфекциялари, ўткир некротик ярали гингивит;
-иммунтанқислиги бор беморлар ёки нейтропенияли беморларда инфекцион асоратларни олдини олиш; операциядан олдинги тайёргарлик ва жарроҳлик инфекцияларни операциядан кейинги даволаш, айниқса гастроэнтерологияда.
Қўллаш мумкин бўлмаган ҳолатлар.
Препаратнинг компонентларига юқори сезувчанлик (аллергия), тутқаноқ, марказий нерв тизимининг тиришишга мойиллиги бўлган шикастланишлари (бош мия жароҳати, инсульт, мия ва мия пардаларининг яллиғланиши жараёнларидан кейин), 16 ёшгача беморлар, ҳомиладорлик, эмизиш даври.
Қўллашдаги огоҳлантириш.
Агарда Сиз Полимик билан даволанаётган бўлсангиз,     керак бўлмаса, тўғри қуёш нурлари таъсири остида бўлмаслиги керак, ультрабинафша нурлар (симоб-кварц лампалар,   солярий)   билан нурланишдан сақланиш керак.
Қандни камайтирадиган препаратларни қабул қилаётган қандли диабетли беморларда Полимикни эҳтиёткорлик билан қўллаш лозим.
Буйраклар фаолиятининг бузилиши ёки жигарнинг оғир шикастланиши (цирроз) билан беморлар ўртача суткалик дозани (2 таблетка) оширмасликлари лозим.
Транспорт воситаларини бошқараётган, машина ва механизмларда ишлайдиган пациентлар нерв тизими томонидан рўй бўлиши мумкин бўлган нохуш самараларни ёдда тутишлари лозим.
Полимикни узоқ муддат қўлланилиши препаратга чидамли микроорганизмларнинг ўсиши билан боғлик иккиламчи инфекцияни чақириши мумкин.
Препарат билан даволаниш вақтида алкоголли ичимликларини истеъмол қилишдан сақланиш керак.
Дори воситалари билан ўзаро таъсири.
Агарда Сиз антацид препаратлар ёки темир сақловчи препаратлар қабул қилаётган бўлсангиз, Полимикнинг самарадорлиги сусаяди, шунинг учун препаратни кўрсатилган препаратлардан 2 соат олдин ёки 2 соат кейин қабул қилиш лозим.
Ностероид яллиғланишга қарши воситалар билан бир вақтда
қўлланганида МНТга ва тутқаноқ хуружлари ривожланишига рағбатлантирувчи таъсирининг ҳавфи ошади.
Пробенцид, циметидин, фуросемид ва метотрексат билан бир
вақтда қўлланганида, Полимикни сийдик билан чиқарилиши камаяди, унинг ярим чиқарилиш даври узаяди ва унинг заҳарли таъсирини ҳавфли ошади.
Кумарин қатори антикоагулянтлар самарасини кучайтиради, векуроний бромидининг миорелаксияловчи таъсирини оширади.
Қўллаш усули ва дозалари.
Полимикни чайнамасдан, сув билан бирга, ичга қабул қилиш лозим. Препаратни овқатдан олдин ҳам, кейин ҳам қабул қилишга рухсат берилади. 2 ойдан ортиқ қабул қилиш тавсия этилмайди. Полимикнинг дозаси ва даволаш давомийлигини шифокор белгилайди. Катталар учун ўртача доза 1 таблеткадан суткада 2 марта, даволашнинг давомийлиги 7-10 кун; даволашни касалликнинг клиник белгилари йўқолганидан кейин камида 3 кун давом эттириш лозим.
Дозани ошириб юбориш. Дозани ошириб юборишнинг энг муҳим белгилари бу марказий нерв тизими томонидан бўлган симптомлардир: бош айланиши, онгни чалкашиши, тутқаноқ хуружлари, овқат ҳазм қилиш йўллари томонидан реакциялар - кўнгил айниши ва қусиш. Дозани ошириб юбориш ҳолларида дарҳол шифокорга мурожаат қилиш лозим.
Ножўя таъсирлари.
Қорин оғриғи, кўнгил айниши, қусиш, иштахани йўқолиши, энтероколит, гипогликемик препаратлар қабул қилаётган қандли диабетли беморларда гипогликемия, қўзғалиш, бош оғриғи, уйқуни бузилиши (уйқусизлик ёки уйқучанлик), периферик сезувчанликни бузилиши ёки координацияни бузилиши, камқонлик, лейкопения, эозинофилия, тромбоцитопения, панцитопения, қонда креатининни ошиши, жигар ферментлари фаоллигини ва билирубинни ошиши, гипотензия, тахикардия, тенденитлар, айниқса, кекса ёшдаги пациентларда, шунингдек, арталгиялар, миалгия, аллергик реакциялар (тери тошмаси, қичима, Квинке шиши).
Қандай бўлмасин одатдаги бўлмаган реакциялар пайдо бўлган ҳолда, препаратни кейинчалик қўллаш юзасидан шифокор билан албатта маслаҳатлашиш лозим!
Сақлаш муддати.
Препаратнинг сақлаш муддати 2 йилни ташкил этади. Яроқлилик муддати ўтгандан сўнг қўлланилмасин.
Сақлаш шароитлари.
Болалар олаолмайдиган, ёруғликдан ҳимояланган жойда, 25°С дан юқори бўлмаган ҳароратда сақлансин.
Ўрами.
Блистерда 10 та таблеткадан, картон ўрамда 1 та блистер.
Бериш тартиби.
Рецепт бўйича.
Ишлаб чиқаручининг номи ва манзили.
KUSUM HEALTHCARE PVT.LTD.
SP-289(A),RIICO INDL.AREA,CHOPANKI,
BHIWADI (RAJ.) INDIA.